Главная »
2011 » Сентябрь » 7 » Че-2012
|
ԵՎՐՈ-2012. Սլովակիա - Հայաստան 0:4
Հայաստանի ազգային հավաքականի փայլուն հաղթանակով ավարտվեց Ժիլինայի
«Պոդ Դուբնոմ» մարզադաշտում կայացած 2012թ. Եվրոպայի առաջնության ընտրական
հանդիպումը Սլովակիայի ընտրանու հետ: Պետք է ասել, որ մեր թիմի մարզչական
շտաբի ընտրած մարտավարությունը` չթողնել մրցակցին առաջին խաղակեսում գրավել
սեփական դարպասը և ակտիվանալով երկրորդում`դրական արդյունքի հասնել,
լիովաին արդարացրեց իրեն: Առաջին կեսում մեր ընտրանուն մեծ ջանքերի գնով
հաջողվեց դարպասը պահել անառիկ. սլովակները գործում էին հստակ, կոմբինացիոն
ոճով և ունենին ռեալ հնարավորություններ հանգստի գնալու առաջ լինելով
հաշվի մեջ: Սակայն հարվածների անճշտությունը և Ռոման Բերեզովսկու հաջող
խաղը առաջին 45 րոպեների ավարտին գրանցեցին 0:0 հաշիվը լուսատախտակի վրա:
Երկրորդ կեսը մեկնարկեց մեր թիմի գրոհներով և 55-րդ րոպեին, պաշտպանի
սխալից հետո, գնդակը հայտնվեց Յուրա Մովսիսյանին մոտ, ով դիպուկ հարվածով
գրավեց դաշտի տերերի դարպասը: 15 րոպե անց Հենրիխ Մխիթարյանը անհատական
անցումով մոտեցով տուգանային հրապարակի մատույցներին և ցածրից հարվածով
ստիպեց լիովին ապակողմնորոշված Յան Մուխային երկրորդ անգամ հանել գնդակը
ցանցից: Մխիթարյանը իր ակտիվ մասնկացությամբ դարձավ հաջորդ երկու գոլերի
համահեղինակ: Առաջին դեպքում հակագրոհի ժամանակ Հենրիխը ճշգրիտ փոխանցում
կատարեց Գևորգ Ղազարյանին, ով գրավեց գրեթե դատարկ դարպասը և խաղավերջում
նրա հարվածից հետո, գնդակը դիպավ հորիզոնական դարպասաձողին և անդրադարձ
կատարեց դեպի Արթուր Սարկիսովը, ով արձանագրեց իր առաջին գոլը ազգային
հավաքականի կազմում: Հայաստանի ազգային ընտրանին հաղթանակ տոնեց 4:0 հաշվով
և խմբում հանգրվանեց երրորդ տեղում, ընդհուպ մոտենալով առաջատարներին:
Վերջին երկու հանդիպումները մեր թիմը կանցկացնի հոկտեմբերի 7-ին և 10-ին,
համապատասխանաբար Մակեդոնիայի (տանը) և Իռլանդիայի (հյուրընկալվելիս)
թիմերի հետ:
|
|
Просмотров: 509 |
Добавил: ars_dave
| Рейтинг: 0.0/0 |
ФС Армения
